會訊: 高球練習日 暨 神秘活動花絮

19/09/2019 - 會訊

高球練習日暨神秘活動花絮

*可點擊放大觀看

哈!哈!破天荒呀!

19/9嘅高球練習日簡直係破天荒的人頭湧湧呀!參加嘅會員有呀康、Yumiko、漪娸姐、丹爺、BennyAndy、呀Fred、呀Ben、海豚、綺明、肥媽同埋佢個honey都嚟湊熱鬧呀!哈哈!咁多會員出席,一定搞到我哋班義務教練一頭煙喇!

大家有冇覺得奇怪呀?有乜原因突然間吸引咗咁多會員一齊嚟參加練習呢?為乜大家突然咁勤力嘅??!

原來係因為除咗練波之外,我哋一班AGA會員靜雞雞想為寸哥同埋Jack師傅慶祝生日呀!咁盛大好玩嘅日子,大家當然係吾會錯過啦! 所以Cindy唔得閒嚟練波都專誠到場為兩位師傅送上生日祝福,而綺琴同呀Mil 趕吾切到練習場都趕去出席兩位教練嘅生日晚宴!連埋Chris教練同小妹,差不多有廿人迫爆咗房間呀,大家可以想像倒當時此起彼落嘅歡笑聲幾乎係冇一分鐘停過嗎?!……唏!你點解吾嚟參加呀?實在太可惜喇!下次乖乖哋嚟出席練習啦!否則只可以一邊欣賞返當晚歡樂嘅片段,一齊祝福寸哥同Jack師傅生日願望成真!身體健康啦!……Happy Birthday!!